KÜR ÇAYININ NEFTÇALADAN KEÇƏN HİSSƏSİNDƏ TƏHLÜKƏSİZLİK TƏDBİRLƏRİ DAVAM ETDİRİLİR
Neftçala, 11 iyun (AZƏRTAC). Kür çayının Neftçaladan keçən hissəsində suyun səviyyəsinin aşağı düşməsinə baxmayaraq, təhlükəsizlik tədbirləri davam etdirilir.
Qrunt sularının çəkildiyi ərazilərdə isə dezinfeksiya işlərinə başlanılmışdır.
Netçalada həyata keçirilən qabaqlayıcı tədbirlər nəticəsində Kür çayındakı daşqınlar rayona ciddi ziyan vurmamışdır. Buna baxmayaraq, Kür çayının rayon ərazisindən keçən 123 kilometrlik hissəsində sahil bəndləri bərkidilmişdir. Kürboyu ərazilərdə yerləşən 24 kənddə epidemioloji vəziyyət tam nəzarətdə saxlanılır. 1000-dən çox həyət qrunt sularından təmizlənmiş və dezinfeksiya olunmuşdur.
Rayonun Kürboyu ərazilərində yaşayan 36 minə yaxın əhaliyə mərkəzi rayon xəstəxanası da daxil olmaqla, 9 həkim məntəqəsi gücləndirilmiş iş rejimində xidmət göstərir. Əlavə 2 səyyar həkim briqadası da yaradılmışdır.
Bölmənin digər xəbərləri
