Kür çayının Tbilisi şəhərindən keçən hissəsində balıqlar kütləvi surətdə məhv olmuşdur
Tbilisi, 18 avqust (AZƏRTAC). Kür çayının Tbilisi şəhərindən keçən hissəsində balıqların kütləvi surətdə qırılması faktı qeydə alınmışdır. Balıqçılar son 10 ildə belə bir hadisəni xatırlamadıqlarını bildirmişlər.
Gürcüstan Ətraf Mühitin Mühafizəsi Nazirliyindən verilən məlumata görə çayın balıq qırılan sahəsinin üç yerindən analiz üçün su götürülüb laboratoriyaya verilmişdir. Gürcüstan Təbiətin Mühafizəsi üzrə Milli Agentliyi isə balıqların kütləvi surətdə qırılmasına suda oksigen çatışmazlığı və turşuluğun artmasının səbəb olduğunu ehtimal edir.
Mütəxəssislər Kürün suyunun ayda bir dəfə laboratoriya tədqiqatının aparıldığını və indiyədək suyun tərkibində kimyəvi elementlərin yolverilən normaya uyğun olduğunu bildirmişlər.
İslam Əliyev
AZƏRTAC-ın xüsusi müxbiri
Bölmənin digər xəbərləri
