Küveyt idmançıları Rio Olimpiadasında iştirak edə bilməyəcəklər
Bakı, 27 oktyabr, AZƏRTAC
Beynəlxalq Olimpiya Komitəsi (BOK) Küveyt Milli Olimpiya Komitəsini yarışlarda iştirakdan məhrum edib.
AZƏRTAC “Associated Press” agentliyinə istinadla xəbər verir ki, BOK bu qərarını Küveyt hökumətinin idman assosiasiyalarının müstəqil fəaliyyətini məhdudlaşdıran yeni qanun qəbul etməsi ilə əsaslandırıb.
Küveyt Milli Olimpiya Komitəsinin prezidenti şeyx Əhməd Əl-Fahad Əl-Sabah bildirib ki, bu qərar digər vətəndaşlar kimi, onu da məyus edib və idmançılar üçün gözlənilməz olub. O deyib ki, əgər BOK qərarı ləğv etməsə Küveyt idmançıları gələn il Rio-de-Janeyroda keçiriləcək Yay Olimpiya Oyunlarında iştirak edə bilməyəcəklər.
Qeyd edək ki, bir müddət əvvəl FİFA da Küveyt Futbol Assosiasiyasını müvafiq sanksiya tətbiq etmişdi.
Bölmənin digər xəbərləri
