La-Manş boğazını keçmək istəyən 4 miqrant həlak olub
London, 12 iyul, AZƏRTAC
Fransanın şimal sahillərində La-Manş boğazını keçərək Britaniyaya getməyə cəhd edən dörd miqrant həlak olub.
AZƏRTAC Fransa Sahil Mühafizəsinə istinadla xəbər verir ki, 4 miqrant Fransanın şimalındakı Bulon-sur-Mer sahillərində qayığın çevrilməsi nəticəsində həlak olub. Polis bildirib ki, huşsuz vəziyyətdə tapılan 4 nəfəri xilas etmək mümkün olmayıb. Digər 14 nəfər balıqçı gəmisi, 49 nəfər isə Fransa donanmasının gəmisi tərəfindən xilas edilib.
Böyük Britaniyanın daxili işlər naziri İvett Kuper baş verənləri “dəhşətli hadisə” adlandırıb.
Bu ilin ötən dövründə 13 mindən çox insan La-Manş vasitəsilə Böyük Britaniyaya çatıb. Təkcə iyunun 18-də 882 nəfər 15 kiçik qayıqla La-Manşı keçib, bu isə bu il üçün yeni rekord göstəricidir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
