Latviya avtoqəzaların sayına görə Avropada beşincidir
Riqa, 5 iyul, AZƏRTAC
Latviya avtomagistralları Avropada ən təhlükəli yollar siyahısında 5-ci yerdə qərarlaşır.
AZƏRTAC xəbər verir ki, bu barədə Avropanın statistika agentliyi “Avrostat” məlumat yayıb. Bildirilir ki, Latviyada yol-nəqliyyat hadisələri nəticəsində həlak olanların sayı 1 milyon əhali üzrə ildə 69 nəfərdir.
Qeyd edilir ki, ən təhlükəli yollar Rumıniyada (1 milyon əhaliyə 96 nəfər), Bolqarıstanda (1 milyon əhaliyə 90 nəfər), Polşada (1 milyon əhaliyə 77 nəfər) və Xorvatiyadadır (1 milyon əhaliyə 73 nəfər).
Ən az isə İsveçdə (1 milyon əhaliyə 22 nəfər), İrlandiyada (1 milyon əhaliyə 29 nəfər) və Maltada (1 milyon əhaliyə 32 nəfər) yol-nəqliyyat hadisələri baş verir.
Avropa İttifaqı ölkələrində yol-nəqliyyat hadisələri nəticəsində həlak olanların sayı orta hesabla hər 1 milyon əhali üzrə 51 nəfərdir. Bunlardan 44 faizi avtomobil sürücüləri və sərnişinləri, 20 faizi piyadalar, 16 faizi isə motosikl sürücüləridir.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
