LAYİHƏ UĞURLA YERİNƏ YETİRİLİR

24.10.2006 [02:47]
Çap et
A⁺ A^-

“Azneft” İstehsalat Birliyindən AZƏRTAC-a bildirmişlər ki, “Xəzərdənizneftqaztikinti” trestinin kollektivi Bakı—Tbilisi-Ərzurum qaz kəmərinin bir hissəsi olan və Gürcüstana qaz verilməsini təmin edən 12,2 kilometrlik xəttin tikintisini uğurla başa çatdırmışdır.

Kollektiv Mozdok-Qazıməmməd qaz kəmərinin Taxta körpü su anbarının altına düşən hissəsinin köçürülməsi üçün tələb olunan 9,6 kilometrlik xəttin tikintisini də uğurla davam etdirir. Obyektin 2007-ci ilin mayında təhvil verilməsi nəzərdə tutulmuşdur.

“Şahdəniz” yatağından çıxarılan qazın Azərbaycanın payına düşən hissəsinin Səngəçal terminalında qəbulu və “Azəriqaz”a təhvil verilməsi üçün nəzərdə tutulmuş 4,6 kilometrlik yeraltı kəmərin tikintisi də bu trestin kollektivinə həvalə olunmuşdur. Obyektin tikintisi yaxın vaxtlarda başa çatdırılacaqdır.

LAYİHƏ UĞURLA YERİNƏ YETİRİLİR

MÜƏLLİFLƏ ƏLAQƏ

Bölmənin digər xəbərləri