Lənkəranda təbii abidələrin qorunmasına diqqət artmışır
Lənkəran, 29 oktyabr (AZƏRTAC). Lənkəran şəhərində İqtisadi Resursların Öyrənilməsi İctimai Birliyinin (İB) “Turizm biznesində təbii resurslardan səmərəli istifadə olunması yolu ilə təbii abidələrin qorunması” layihəsi çərçivəsində seminar-müşavirə keçirilmişdir.
Tədbirdə İB-nin sədri Ruslan Atakişiyev bildirmişdir ki, məqsədimiz Azərbaycanın müxtəlif bölgələrində turizmlə məşğul olan sahibkarlara, sahibkarlığa maraq göstərən şəxslərə təbii resurslardan səmərəli istifadə yollarını öyrətməkdir. Bu, həm də təbii abidələrin qorunmasına nail olmaq deməkdir.
Seminarda iştirakçılara təbii abidələrin qorunması yollarından geniş və əhatəli söhbət açılmışdır. Layihənin rəhbəri, iqtisad üzrə fəlsəfə doktoru R.Atakişiyev turizm sahəsində menecment işinin təşkili, marketinqin aparılması yolları barədə məlumat vermişdir.
“Turizm ili” çərçivəsində keçirilən tədbirdə iştirakçılara lazımi tədris materialları paylanmışdır.
Bölmənin digər xəbərləri
