Litvaya səfər edənlər artıq onlayn qeydiyyatdan keçməli olacaqlar
Vilnüs, 17 sentyabr, AZƏRTAC
Litvaya gələn hər kəs özləri barədə məlumatları ölkənin Milli İctimai Səhiyyə Mərkəzinə (MİSM) təqdim edərək onlayn qeydiyyatdan keçməlidirlər.
AZƏRTAC ölkə mətbuatına istinadla xəbər verir ki, bu yeni tələb ölkədə fövqəladə vəziyyətin idarə edilməsi üzrə rəhbər Aurelyius Veriqa tərəfindən tətbiq olunub.
Bildirilib ki, hava, dəniz və yerüstü nəqliyyatlar üzrə müntəzəm, xüsusi və ya sifarişli səfərlər həyata keçirən sərnişinlər səfərə yollanmazdan qabaq MİSM-in saytında elektron sorğu vərəqəsini doldurmalı və nəqliyyat vasitəsinə daxil olmazdan əvvəl doldurulmuş anketi − QR kodu (Quick Response - “tez cavab”) sürücüyə təqdim etməlidirlər.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
