LİVİYA TERROR AKTLARININ QURBANLARINA KOMPENSASİYA ÖDƏYƏCƏK
AZƏRTAC Röyter Agentliyinə istinadla xəbər verir ki, Liviya 1986-cı ildə Berlində törədilən terror aktının qeyri-amerikalı qurbanlarına kompensasiya ödəməyə razı olduğunu bildirmişdir. Bunu avqustun 10-da Liviyanın Almaniyadakı səfiri açıqlamışdır.
Səfir demişdir: “Berlində bu barədə memorandum imzalanacaqdır. Ödənişlərin həcmi 35 milyon dollar olacaqdır. Rəsmi saziş isə iki həftədən sonra Tripolidə imzalanacaqdır”.
Xatırladaq ki, 1986-cı ildə Berlinin “La Belle” gecə klubunda törədilən terror aktı nəticəsində iki amerikalı hərbçi və bir türk qız həlak olmuş, 200-dən çox adam yaralanmışdır.
Bölmənin digər xəbərləri
