Londonda etiraz aksiyasının yüzlərlə iştirakçısı saxlanılıb
London, 5 oktyabr, AZƏRTAC
Londonda “Palestine Action” adlı qadağan olunmuş qrupa dəstək məqsədilə keçirilən etiraz aksiyası zamanı azı 493 nəfər saxlanılıb.
AZƏRTAC BBC-yə istinadla xəbər verir ki, “Defend Our Juries” təşkilatının təşkil etdiyi aksiyada təxminən min nəfər iştirak edib. “Palestine Action” qrupu iyul ayında Böyük Britaniya hökuməti tərəfindən terror təşkilatı kimi tanınıb və onun fəaliyyətinə, habelə dəstək göstərilməsinə qanunla qadağa qoyulub.
Etirazlar hökumət və polis tərəfindən aksiyaların ləğv olunması çağırışlarına baxmayaraq baş tutub. Bu çağırışlar ötən cümə axşamı Mançesterdəki sinaqoqa ölümlə nəticələnən hücumdan sonra edilmişdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
