“Lonely planet İtalia” portalı turistləri Azərbaycanın gözəlliklərini kəşf etməyə çağırır
Roma, 17 noyabr, AZƏRTAC
“Lonely planet İtalia” portalında yerləşdirilən yazıda Azərbaycanın turizm imkanlarından bəhs olunur. Bildirilir ki, bu ölkənin zəngin enerji ehtiyatları sürətli iqtisadi inkişafa zəmin yaradır. Azərbaycanın paytaxtı Bakı Xəzər dənizinin sahilində yerləşən və gözəl mənzərəsi olan bir şəhərdir. Bu şəhər sürətli inkişaf dövrünü yaşayır. Tarixi “İpək Yolu” üzərində yerləşən Bakıda görüləsi yerlər çoxdur.
Müəllif qeyd edir ki, Azərbaycanda eramızdan əvvəlki dövrlərə aid qədim arxeoloji komplekslər, orta əsrlərə aid müxtəlif abidələr, minarələr və məscidlər mövcuddur. Azərbaycanın dünyada öz xalçaları ilə də məşhur olduğu vurğulanan yazıda turistlər bu ölkəyə səfərə və yeni gözəlliklər kəşf etməyə çağırılır.
Maqsud Dadaşov
AZƏRTAC-ın xüsusi müxbiri
Roma
Bölmənin digər xəbərləri
