“Mançester Siti” Qvardiola ilə kontraktı 2021-ci ilədək uzadır
Bakı, 24 fevral, AZƏRTAC
“Mançester Siti” futbol klubu baş məşqçi Xosep Qvardiola ilə yeni kontraktı imzalamaq qərarına gəlib.
AZƏRTAC “The Daily Mail” qəzetinə istinadla xəbər verir ki, yeni kontraktın müddəti 2021-ci ilin yayınadək nəzərdə tutulur. İspan mütəxəssisin maaşı ildə 20 milyon funt sterlinqə qədər artırılacaq.
Qvardiola klubun ilk mükafatını qazanmasından sonra kontraktın uzadılması qərarının rəsmi şəkildə elan edilməsini istəyir. Əgər “Mançester Siti” İngiltərə liqası kubokunda “Arsenal”ı məğlub edərsə, bu, ən yaxın vaxtda baş verə bilər. Baş məşqçi təkid edir ki, onun məşqçi qərargahının üzvlərinə də daha yaxşı şərtlərlə yeni kontraktlar təqdim edilsin.
Bölmənin digər xəbərləri
