MARİYA SARAYINDA RƏSMİ QARŞILANMA MƏRASİMİ
Sarayın qarşısında dövlətimizin başçısının şərəfinə fəxri qarovul dəstəsi düzülmüşdü.
Azərbaycan Prezidenti İlham Əliyevi və xanımı Mehriban Əliyevanı sarayın önündə Ukraynanın Prezidenti Leonid Kuçma və xanımı Lyudmila Kuçma böyük hörmət və səmimiyyətlə qarşıladılar. Ukrayna dövlətinin başçısı Mehriban xanım Əliyevaya gül dəstəsi təqdim etdi.
Fəxri qarovul dəstəsinin rəisi Azərbaycan Prezidentinə raport verdi.
Hərbi orkestrin ifasında Azərbaycanın və Ukraynanın dövlət himnləri səsləndi. Azərbaycan Prezidentinin şərəfinə toplardan yaylım atəşi açıldı.
Dövlət başçıları fəxri qarovul dəstəsinin qarşısından keçdilər. Prezident İlham Əliyev Ukrayna əsgərlərini salamladı.
Prezidentlər xatirə şəkli çəkdirdilər.
Fəxri qarovul dəstəsi hərbi marşın sədaları altında dövlət başçılarının qarşısından keçdi.
Respublikamızın rəsmi nümayəndə heyətinin üzvləri Ukrayna Prezidenti Leonid Kuçmaya, Ukraynanın dövlət və hökumət nümayəndələri Azərbaycan Prezidenti İlham Əliyevə təqdim olundu.
Bölmənin digər xəbərləri
