Marko Yankoviç: “Gent” ilə oyun bizim üçün çətin olacaq
Bakı, 15 fevral, AZƏRTAC
Sabah bizim üçün çətin olacaq. Avrokuboklarda zəif rəqib olmur. Matça hazır olmağa çalışırıq.
AZƏRTAC xəbər verir ki, bunu UEFA Avropa Liqasının pley-off mərhələsinin ilk oyununda Belçikanın “Gent” klubunu qəbul edəcək Ağdamın “Qarabağ” komandasının futbolçusu Marko Yankoviç mətbuat konfransında deyib.
Futbolçu bildirib ki, fərqli oyun və atmosfer olacaq: “Bizdə yüksək motivasiya var. Azarkeşlər önündə qələbə üçün əlimizdən gələni edəcəyik. Ən yaxşı nəticəni əldə etməyə çalışacağıq”.
Qeyd edək ki, fevralın 16-da Tofiq Bəhramov adına Respublika stadionunda keçiriləcək qarşılaşma saat 21:45-də başlayacaq. Cavab görüşü fevralın 23-də Gentdə olacaq.
Bölmənin digər xəbərləri
