Marşal: İşimiz Formula 1 yarışlarının təhlükəsiz keçməsini təmin etməkdir VİDEO
Bakı, 2 avqust, AZƏRTAC
Bizim işimiz Azərbaycanda keçirilən Formula 1 yarışlarında könüllü iştirak edərək yarışın təhlükəsiz şəkildə keçməsini təmin etməkdir.
AZƏRTAC xəbər verir ki, bu sözləri Formula 1 Azərbaycan Qran-Prisində marşal kimi fəaliyyət göstərən Kamilə Abdullayeva deyib.
O, artıq beşinci ildir marşal olaraq fəaliyyət göstərdiyini bildirib: “Biz yarış zamanı startda dayanırıq və hər hansısa təhlükə zamanı sürücüyə sarı bayraq göstəririk. Daha sonra komanda üzvlərinə bununla bağlı məlumat veririk. Sarı bayrağı görən digər pilotlar artıq təhlükədən xəbərdar olurlar. Bununla da biz pilotun və tamaşaçıların təhlükəsizliyini qoruyuruq”.
Qeyd edək ki, Formula 1 Azərbaycan Qran-Prisi sentyabrın 19-21-də keçiriləcək.
Bölmənin digər xəbərləri
