Masallıda şahmat üzrə rayon birinciliyinə yekun vurulub
Masallı, 27 aprel, Bağır Əliyev, AZƏRTAC
Masallı Rayon Gənclər və İdman İdarəsinin, Rayon Uşaq Gənclər İdman Şahmat Məktəbinin birgə təşkilatçılığı ilə ümummilli lider Heydər Əliyevin anadan olmasının 98-ci ildönümünə həsr olunmuş yeniyetmələr (oğlan və qızlar) arasında şahmat üzrə onlayn qaydada keçirilən rayon birinciliyinə yekun vurulub.
AZƏRTAC-ın bölgə müxbiri xəbər verir ki, dörd gün davam edən onlayn yarışın yekun nəticələrinə əsasən yeniyetmə oğlanlar arasında Nurlan Əkbərov birinci, Miryusif Sadiqzadə ikinci, Böyükağa Zeynallı üçüncü yerə layiq görülüblər.
Yeniyetmə qızlar arasında isə Zeynəb Quliyeva, Lalə Ağacanova və Ayan Zeynallı mükafata layiq yerlərə sahib olublar.
Qaliblərə xüsusi karantin rejiminin tələblərinə əməl etməklə diplomlar təqdim olunub.
Bölmənin digər xəbərləri
