Masallılı atletlər Respublika turnirində uğur qazanıblar
Masallı, 7 iyul, Bağır Əliyev, AZƏRTAC
Vətən müharibəsi şəhidlərinin xatirəsinə həsr olunmuş yeniyetmələr arasında Respublika turnirində masallılı idmançılar uğurla çıxış ediblər.
AZƏRTAC-ın bölgə müxbiri xəbər verir ki, Təhsil, Gənclər və İdman nazirlikləri, Milli Olimpiya Komitəsi, Azərbaycan Məktəb İdmanları Federasiyasının təşkilatçılığı ilə keçirilən yarışlarda masallılı idmançılar atletika (13-14 yaş), voleybol (oğlanlar, 14-15 yaş) idman növləri üzrə fərqləniblər. Voleybolçular birinci, atletlər isə ikinci yeri tutmaqla hər iki növ üzrə Respublika turnirinin final mərhələsinə vəsiqə qazanıblar.
Olimpiya sistemi üzrə altı zonada keçirilən turnirdə dörd idman növü üzrə ümumilikdə respublikanın bütün rayon və şəhərindən 2 mindən çox məktəbli iştirak edib.
Respublika Olimpiya Mərkəzində təşkil olunan atletika idman növü üzrə final yarışlarında Masallı idmançıları 12 komanda arasında dördüncü yeri tutublar. Məktəbli atletləri yarışlara məşqçilər Çingiz Qasımov və Nəbi Lələyev hazırlayıblar.
Bölmənin digər xəbərləri
