MASALLININ İCTİMAİ-SİYASİ VƏ MƏDƏNİ HƏYATINDA GƏNCLƏRİN FƏALLIĞI YÜKSƏKDİR
AZƏRTAC xəbər verir ki, bu fikir Masallı Olimpiya-İdman Kompleksində 2 fevral - Azərbaycan Gəncləri gününə həsr olunmuş mərasimdə səslənmişdir.
Tədbirin iştirakçıları rayon mərkəzindəki Heydər Əliyev parkında ümummilli liderimizin abidəsinin önünə gül dəstələri düzmüş, ulu öndərin xatirəsini ehtiramla yad etmişlər.
Mərasimdə çıxış edənlər bayram münasibətilə rayon gənclərini təbrik etmişlər. Onlar 2007-ci ildə rayonun ictimai-siyasi, mədəni həyatında gənclərin fəallığının artdığını vurğulamış, sabahın qurucularına göstərilən diqqət və qayğıya görə Prezident İlham Əliyevə minnətdarlıqlarını bildirmişlər.
Toplantıda gənclərin bir qrupuna rayon icra hakimiyyəti başçısının, gənclər və idman idarəsinin fəxri fərmanları, xatirə hədiyyələri təqdim edilmişdir.
Bayram tədbirində rayonun musiqi kollektivləri rəngarəng konsert proqramı ilə çıxış etmişlər.
Bölmənin digər xəbərləri
