May ayı ərzində “Qaynar xətt”ə 76 müraciət daxil olmuşdur
Bakı, 16 iyun (AZƏRTAC). Ekologiya və Təbii Sərvətlər Nazirliyinin 24 saat fəaliyyət göstərən “Qaynar xətt”inə may ayı ərzində ətraf mühitin mühafizəsi, ekoloji qanun pozuntuları ilə əlaqədar 76 müraciət daxil olmuşdur.
Nazirliyin mətbuat xidmətindən AZƏRTAC-a verilən məlumata görə, ağacların kəsilməsi ilə bağlı qeydə alınmış 25 müraciətdən 10-u barədə qanunamüvafiq tədbirlər görülmüş, 15-i isə təsdiqini tapmamışdır.
Ağacların aşma təhlükəsi ilə əlaqədar 28 müraciətdən 24-nə yerində baxış keçirilmiş, təhlükə yaradan ağaclara müvafiq rəy və təkliflər verilmiş, 1-i əsassız hesab edilmiş, 3-ü isə icradadır.
Məişət tullantılarının qalaqlanması, atmosfer havasının çirklənməsi, çirkab suların axıdılması, elektromaqnit şüalanma, səs-küy və palçıq vulkanının püskürməsi ilə bağlı 23 müraciətdən 11-i barədə tədbirlər görülmüş, 12-si isə doğru olmadığından həmin ərazilər nəzarətə götürülmüşdür.
Bölmənin digər xəbərləri
