Mayk Uolts: ABŞ İranın hərbi infrastrukturunu hədəf almağa davam edəcək
Vaşinqton, 28 iyun, AZƏRTAC
Tehran Hörmüz boğazında gəmiçilik axınını təhdid edərsə, ABŞ İranın hərbi infrastrukturunu hədəf almağa davam edəcək.
AZƏRTAC xəbər verir ki, bu sözləri ABŞ-nin Birləşmiş Millətlər Təşkilatındakı səfiri Mayk Uolts “Fox News Sunday" verilişinə müsahibəsində deyib.
"Əgər İran rejimi bir saniyəlik belə Prezident Trampın İranın beynəlxalq gəmiçiliyə və bazalarımıza hücumuna cavab vermədən kənarda duracağını düşünsə, təəssüf ki, yanılır. Lazım gələrsə, ABŞ onların beynəlxalq su yolunu qanunsuz şəkildə idarə etmək üçün istifadə etməyə çalışdıqları infrastrukturu hərbi cəhətdən dağıtmağa davam edəcək”,- deyə o bildirib.
Uolts ABŞ və İran arasında texniki müzakirələrin davam etdiyini və Trampın həmişə diplomatiyaya şans verəcəyini deyərək prezidentin səbrinin əbədi davam etməyəcəyini vurğulayıb.
Bölmənin digər xəbərləri
