Mbappe klublararası dünya çempionatında növbəti oyunu da buraxa bilər
Bakı, 24 iyun, AZƏRTAC
İspaniyanın "Real Madrid" komandasının hücumçusu Kilian Mbappe klublararası dünya çempionatının qrup mərhələsində Avstriya "Zaltsburq"u ilə keçiriləcək oyunu da buraxa bilər.
AZƏRTAC xarici mətbuata istinadən xəbər verir ki, 26 yaşlı futbolçu hələ də kəskin qastroenteritdən əziyyət çəkir.
Mbappe bu səbəbdən daha öncə Səudiyyə Ərəbistanının "Əl-Hilal" (1:1) və Meksikanın "Paçuka" (3:1) kollektivləri ilə keçirilmiş ilk iki matçda iştirak etməyib.
“Kral klubu" “Zaltsburq”la iyunun 28-də qarşılaşacaq.
Qeyd edək ki, Kilian Mbappe iyunun 19-da bağırsaq infeksiyası səbəbi ilə Mayami şəhərindəki xəstəxanaya yerləşdirilib. Ona kəskin qastroenterit diaqnozu qoyulub və həmin gün də xəstəxanadan evə buraxılıb.
Bölmənin digər xəbərləri
