“McLaren” Bakıdakı praktikalarda sürət probleminin həllinə səy göstərəcək
Bakı, 27 aprel, AZƏRTAC
“McLaren”in pilotu Fernando Alonso düz yolda bolidin zəif sürətindən komandanın əziyyət çəkdiyini etiraf edib. İspaniyalının sözlərinə görə, bu problemi Azərbaycan Formula 1 Qran-Prisində sərbəst praktikalar zamanı qismən düzəltməyə çalışacaqlar.
AZƏRTAC-ın məlumatına görə, o qeyd edib ki, ötən il komanda üçün Bakı mərhələsi də Bəhreyndə olduğu kimi asan olmadı. “Görünür, güc planında bəzi məhdudiyyətlərimiz var. Biz düz yolda bu il də lazımi qədər sürətli deyilik. Yəqin ki, bu dəfə artıma nail olacağıq. Əgər siz Bakıda ötən mərhələlərin necə keçməsinə baxsanız, poul-mövqedən geridə qalmağımızın çox böyük olduğunu görəcəksiniz. Fikrimcə, bu il işimizi daha yaxşı yerinə yetirəcəyik. Cari mövsümdə biz hələ təsnifatın üçüncü seqmentinə düşməmişik. Azərbaycanda bunu etmək asan deyil, lakin ümid edirəm ki, biz buna az da olsa, nail olacağıq”.
Bölmənin digər xəbərləri
