MƏCBURİ KÖÇKÜNLƏR ÜÇÜN SALINAN QƏSƏBƏLƏRDƏ 5 MİNƏ YAXIN YENİ İŞ YERİ AÇILMIŞDIR
Qaçqınların və Məcburi Köçkünlərin İşləri üzrə Dövlət Komitəsinin sədri, Baş nazirin müavini Əli Həsənov AZƏRTAC-a bildirmişdir ki, ötən ilin noyabr ayından bəri məcburi köçkünlər üçün salınan 13 yeni qəsəbədə 5 minə yaxın daimi iş yeri açılmışdır. Bu qəsəbələrdə aparılan tikinti işlərinə də, əsasən, məcburi köçkünlər cəlb olunmuşlar. Qəsəbələrin salınmasında 20 mindən çox işçi çalışmış, onların orta aylıq əməkhaqqı 200 manat civarında olmuşdur.
