Mehmanxana və mehmanxana tipli obyektlərə lisenziyalar verilib
Bakı, 5 iyul, AZƏRTAC
Mədəniyyət və Turizm Nazirliyi iyun ayı ərzində bir sıra hüquqi və fiziki şəxslərə mehmanxana və mehmanxana tipli obyektlərin fəaliyyətinə dair xüsusi razılıqlar (lisenziyalar) verib.
Nazirlikdən AZƏRTAC-a bildirilib ki, bunlar "Afra LTD" Məhdud Məsuliyyətli Cəmiyyətinə məxsus "Afra Hotel" (Oğuz), "Sərbəst Çoxsahəli Yenilik" kiçik müəssisəsinə məxsus "Yenilik" (Abşeron), "Maestro Otel" MMC-yə məxsus "Maestro Otel" (Bakı), "Çıraq-M" MMC-yə məxsus "Ramada Plaza" (Gəncə), "Yüksəl" firmasına məxsus "Şah Palace" (Bakı) mehmanxanalarıdır. Həmçinin fiziki şəxslərə məxsus "Bata-Bat Nabran" (Xaçmaz) və "Sakit Göl" (Şamaxı) istirahət mərkəzlərinə, "Yeni Motel" (Kürdəmir) mehmanxana tipli obyektə, "Titanik" (Bakı), "Şəki Palace" (Şəki), "Ulduz" (Xaçmaz) mehmanxanalarına da lisenziya verilib.
Bununla da respublika ərazisində xüsusi razılıq əsasında fəaliyyət göstərən mehmanxanaların sayı 335-ə çatıb.
Bölmənin digər xəbərləri
