REGİONLAR
Meksika nümayəndəsi: Azərbaycanda olmaq bizim üçün yaxşı səfər təcrübəsidir VİDEO

Zəngilan, 29 sentyabr, A.Yavərzadə, AZƏRTAC
Azərbaycanda olmaq bizim üçün yaxşı səfər təcrübəsidir. Belə ki, həm Azərbaycan xalqı ilə daha yaxın əlaqə qururuq, həm də sizin öz ərazilərinizdə hansı işlər gördüyünüzü daha yaxından öyrənirik.
AZƏRTAC-ın bölgə müxbiri xəbər verir ki, bunu jurnalistlərə açıqlamasında Zəngilanda keçirilən 2-ci Azərbaycan Milli Şəhərsalma Forumunda iştirak edən Meksikanın Queretaro əyalətinin başçısı Rogelyo Alkoser Qomez söyləyib.
Querataronun 2024-cü ildə Ümumdünya Məskunlaşma Gününə ev sahibliyi edəcəyini bildirən Rogelyo Alkoser Qomez deyib: “Hər kəs bir-biri ilə əlaqə yaratmalı, bir-birindən öyrənməlidir. Məhz bu əməkdaşlıq dünyada davamlı inkişaf üçün çox vacibdir. Biz Azərbaycan Respublikası Dövlət Şəhərsalma və Arxitektura Komitəsi ilə əməkdaşlıq etməyi də planlaşdırırıq”.