MEKSİKADA 6 YAŞLI FÖVQƏLUŞAQ UNİVERSİTETƏ DAXİL OLMUŞDUR
Maksimilianonun heyrətamiz yaddaşı 3 yaşında özünü göstərmişdir. Valideynləri ona atlas alandan bir müddət sonra o, dünyanın bütün ölkələri paytaxtlarının adlarını sadalamışdır.
Maksimiliano həkim atasının yolunu davam etdirmək istəyir. O, evdə təbabətə dair bütün kitabları oxuyaraq, yaddaşına həkk etmişdir.
Valideynləri sınaq məqsədi ilə Maksimilianonu Meksika Muxtar Universitetinə göndərmişlər. Orada ona mühazirə və seminarlarda iştirak etməyə icazə verilmişdir.
Aprelin axırlarında universitetdə qeyri-adi mühazirə keçirilmişdir: mikrofana çatmaq üçün stula çıxan 6 yaşlı oğlan təcrübəli professor əminliyi ilə yuxarı kurs tələbələrinə osteoporoz və şəkərli diabet xəstəliklərinin xüsusiyyətləri və əlamətlərindən danışmışdır.
Bölmənin digər xəbərləri
