Meksikada stadionda baş verən atışma 4 nəfərin ölümünə səbəb olub
Bakı, 6 iyul, AZƏRTAC
Meksikanın Kuernavaka şəhərində futbol üzrə yerli komandaların oyunu zamanı stadionda atışma baş verib.
AZƏRTAC “El Universal” nəşrinə istinadən xəbər verir ki, silahlı insident nəticəsində azarkeşlərdən 4-ü ölüb, 3-ü yaralanıb.
Bildirilir ki, silahlıların “isti izlər”lə axtarışı nəticə verməyib, lakin onların şəhərdə narkotik maddələrin satışına nəzarəti ələ keçirmək istəyən cinayətkar qruplaşmalardan birinin üzvləri olduqları ehtimal edilir.
Bölmənin digər xəbərləri
