MEKSİKALI NARKOBARON YAXALANDI
ABŞ Narkotiklərə Nəzarət İdarəsinin əməkdaşı Mişel Braun demişdir: “Feliks dünya narkobiznesinə cəlb edilmiş ən amansız cəlladlardan biridir. Hiss edirik ki, əjdahanın boynunu vurmuşuq”.
Feliksin tutulmasında köməyə görə 5 milyon dollar məbləğində mükafat qoyulmuşdu.
“Tixuana” karteli narkotiklərlə məşğul olan Meksika klanları arasında 10 il ərzində hökmranlıq etmişdir. Braunun sözlərinə görə, bu cinayətkar təşkilat Birləşmiş Ştatlara yüz tonlarla kokain, marixuana, metamfetamin və heroin göndərirdi. İndi banda öz liderini itirdiyinə görə zəifləmişdir.
Lakin bəzi meksikalılar “Bala pələng” ləqəbli Feliksin həbsinin müsbət nəticə verəcəyi barədə düşünmürlər. Məsələn, naşir və narkoticarət üzrə ekspert Xesus Blankornelas demişdir: “Feliks kartelin başçısı deyil, ancaq necə əylənmək barədə fikirləşən pleyboy və kokaniçidir. Əslində, kartelə onun böyük qardaşı Eduardo və bacısı Enedina başçılıq edirlər”. Ona görə də ekspert əmindir ki, Feliksin həbs edilməsi bütün təşkilatın işinə heç bir təsir göstərməyəcəkdir.
Bölmənin digər xəbərləri
