Mərakeş vaksinləmə kampaniyasını uğurla həyata keçirir
Rabat, 6 aprel, AZƏRTAC
Mərakeş hökuməti bildirib ki, ölkə əhalisinin 3,8 milyonu iki, 4,3 milyonu isə bir doza vaksin alıb.
AZƏRTAC Mərakeş Səhiyyə Nazirliyinə istinadla xəbər verir ki, krallıq koronavirus üzrə immunizasiya kampaniyasının lideridir.
Afrika qitəsində koronavirusa qarşı tətbiq edilən vaksin dozalarının 95 faizi bu ölkənin payına düşür.
Bununla yanaşı, Ümumdünya Səhiyyə Təşkilatı da Mərakeşin öz əhalisinin çox hissəsini peyvənd etmiş dünya ölkələrinin ilk onluğuna daxil olduğunu qeyd edib.
Nigar Cəfərli
AZƏRTAC-ın xüsusi müxbiri
Rabat
Bölmənin digər xəbərləri
