MƏRDƏKANDA ÇÖRƏK-BULKA MƏMULATI SEXİ AÇILMIŞDIR
Bu günlərdə Mərdəkanda çörək-bulka məmulatı istehsal edən sex açılmışdır. Bu kiçik müəssisə “Sevil” Azərbaycan Qadınları Məclisi Nəsimi rayon şöbəsi fəallarının maliyyə köməyi ilə yenidən qurulmuşdur.
Müəssisənin yerləşdiyi ərazidə Zəngilan, Laçın rayonlarından və Şuşa şəhərindən olan 32 qaçqın ailəsi yaşayır. Burada qabaqcadan abadlıq işləri aparılmışdır.
Qadınlar Məclisi Nəsimi rayon şöbəsinin sədri Zərifə Quliyeva çıxışında bildirmişdir ki, 12 məcburi köçkün qadın hazırlıq kursu keçərək , müəssisədə işlə təmin edilmişdir. Müasir texnoloji avadanlıqla təchiz olunmuş və yüksək keyfiyyətli məhsul istehsal edə bilən obyektin istifadəyə verilməsi burada məskunlaşmış məcburi köçkünlərin sosial-məişət problemlərinin həllində əhəmiyyətli rol oynayacaqdır.
Qadın Problemləri üzrə Dövlət Komitəsinin sədri Zəhra Quliyeva açılış mərasimində çıxış edərək, xüsusi vurğulamışdır ki, dövlət bu kateqoriyadan olan vətəndaşlarımıza daim qayğı göstərir və onların sosial-iqtisadi vəziyyətinin yaxşılaşdırılması üçün tədbirlər görür.
Bölmənin digər xəbərləri
