MEŞƏLƏRİN MÜHAFİZƏSİ GÜCLƏNDİRİLMİŞDİR
AZƏRTAC xəbər verir ki, havaların isti və quraq keçməsi ilə əlaqədar baş verə biləcək meşə yanğınları təhlükəsinə qarşı operativ tədbirlərin görülməsi məqsədilə İsmayıllı Meşə Mühafizəsi və Bərpası Müəssisəsi gücləndirilmiş iş rejiminə keçmişdir. Belə ki, lazımi avadanlıqla təchiz olunaraq təlimatlandırılmış 50 nəfərlik xüsusi dəstə 61 min hektar ərazisi olan İsmayıllı meşələrini daimi nəzarətdə saxlayır. Bu işə kəndlərin icra nümayəndəlikləri və bələdiyyələri də qoşulmuşdur.
Böyük Qafqaz sıra dağlarının cənub-şərq ətəklərində yerləşən, 1981-ci ildə yaradılmış və hazırda ərazisi 16740 hektar olan İsmayıllı Dövlət Təbiət Qoruğu xüsusilə ciddi nəzarət altındadır. Misilsiz fauna və floraya malik olan qoruqda nəsli kəsilməkdə olan, adı “Qırmızı kitab”a düşmüş nadir ağaclar, heyvanlar və quşlar vardır.
Bölmənin digər xəbərləri
