Məşhur futbolçu Qonzalo İquain cari ilin sonunda karyerasını başa vuracaq
Bakı, 6 aprel, AZƏRTAC
ABŞ-ın “İnter Mayami” klubunun futbolçusu Qonzalo İquain 2022-ci ilin sonunda karyerasını başa vuracaq.
AZƏRTAC xəbər verir ki, bu barədə 34 yaşlı hücumçunun atası Xorxe İquain “TNT Sport”a açıqlamasında məlumat verib. O, oğlunun ilin sonunda futbolçu karyerasını başa vuracağını bildirib.
İquain karyerası ərzində “Real”, “Milan”, “Çelsi”, “Napoli”, “Yuventus” kimi məşhur klublarda oynayıb. O, 2009-2018-ci illərdə Argentina millisinin formasını geyinib. Futbolçu 2020-ci ildən “İnter Mayami”də çıxış edir.
Bölmənin digər xəbərləri
