SİYASƏT
Məzahir Pənahov: Sosial şəbəkələrdən sui-istifadə olunmamalıdır
Bakı, 18 fevral, AZƏRTAC
Hansı Seçki Məcəlləsində yazılıb ki, biz şikayətçiyə rəy verməliyik? Bizə təlqin etmək istəyirlər ki, Mərkəzi Seçki Komissiyasına təqdim edilən görüntülərə onlarla birlikdə baxılsın. Görüntü baxıb nəticə çıxarmaq və qərar qəbul etmək üçün MSK-ya təqdim olunur. Bəzi dairə seçki komissiyalarında, məntəqə seçki komissiyalarında da bu cür arzuolunmaz hallar yaşanıb. Bəziləri komissiya üzvlərinə diktə edirlər ki, siz onu etməlisiniz, bunu etməlisiniz. Bu, harada yazılıb? Hansı Seçki Məcəlləsində yazılıb ki, şikayətçiyə rəy verilməlidir? Qeyri-adi şəkildə diktə edirlər ki, bunu etməlisən. Sonra da bunun qanunda yazıldığını iddia edirlər.
AZƏRTAC xəbər verir ki, bu sözləri Mərkəzi Seçki Komissiyasının sədri Məzahir Pənahov komissiyanın bugünkü iclasında deyib.
“Sosial şəbəkələrdən sui-istifadə etmək meyillərinin qarşısını almalıyıq”, - deyə MSK sədri bildirib.