MİKROLAYİHƏLƏRİN İCRASINA BAŞLANMIŞDIR
Məcburi köçkünlərin sıx məskunlaşdıqları ərazilərdən MKSİF-ə bu ilin iyul ayınadək 250 müraciət daxil olmuşdur. Həmin müraciətlərə baxılmış, ən zəruri layihələrin icrasına başlanması qərara alınmışdır.
Beyləqan rayonu ərazisində salınmış Xocavənd qəsəbəsində drenaj tikintisi, Füzuli rayonunun Qayıdış qəsəbəsində daxili yol şəbəkəsinin bərpası, Abşeron rayonunun Ceyranbatan qəsəbəsində yolun qaydaya salınması işlərinə başlanmışdır.
Ağcəbədi rayonu ərazisində Şuşa rayonuna məxsus Mirzələr qış yatağında və Laçın rayonuna məxsus “Taxta körpü” adlanan yerdəki Daşlı qış yatağında və digər ərazilərdə daxili yol şəbəkələrinin bərpası, Ağsu rayonunun Gürcüvan kəndində məskunlaşmış təqribən min nəfər laçınlının nəqliyyat yolunun yenidən qurulması, bir sıra rayonlarda subartezian quyularının qazılması, yeni məktəb binasının tikilməsi, mövcud məktəb binalarının təmiri, içməli su təchizatı sisteminin yenidən qurulması kimi vacib layihələrin icrası MKSİF tərəfindən həyata keçiriləcəkdir.
