“Milan”da Hakan Çalkanoğlu şoku yaşanır
Bakı, 21 oktyabr, AZƏRTAC
İtaliya A Seriyasında mübarizə aparan “Milan”da Hakan Çalkanoğlu şoku yaşanır. Komanda ilə birgə təlim-məşq toplanışına qoşulan Türkiyə millisinin üzvü hazırlıqdan qoltuq ağacı ilə ayrılmağa məcbur olub.
AZƏRTAC xəbər verir ki, 26 yaşlı futbolçu səhər baş tutan məşqlərdə sol ayağını zədələyib. İlk yoxlanışlarda ayağının burxulduğu aşkarlanan Çalkanoğlu məşqləri qoltuq ağacı ilə tərk etməyə məcbur olub.
Bu səbəbdən ulduz futbolçu oktyabrın 22-də saat 21:55-də baş tutacaq “Seltik”-“Milan” matçını buraxacaq.
Türkiyəli futbolçu “Milan” formasında bu mövsüm 7 matça çıxaraq 4 qol vurub və 3 məhsuldar ötürmə edib.
Bölmənin digər xəbərləri
