MİLLİ DİRÇƏLİŞ GÜNÜNƏ HƏSR EDİLMİŞ SƏRGİ AÇILMIŞDIR
Sərgidə bu əlamətdar günlə bağlı 100-dən artıq kitab, jurnal və qəzet materialları nümayiş etdirilir. Onların arasında xalqımızın şərəfli keçmişinə, zəngin tarixinə və mədəniyyətinə həsr edilmiş “Yurdda sülh, cahanda sülh uğrunda”, “Dünyanı heyran qoyan insan”, “Qətiyyətin təntənəsi” və sair kitablar daha geniş yer tutur.
Açılış mərasimində kitabxananın direktoru Kərim Tahirov və başqaları bu günün əhəmiyyətindən danışmış, bayram münasibətilə iştirakçıları təbrik etmişlər. Ümummilli liderimiz Heydər Əliyevin Milli Dirçəliş günü münasibətilə 1994-cü il noyabrın 16-da xalqa müraciətini xatırladan natiqlər bildirmişlər ki, ulu öndər bu əlamətdar hadisəni milli həmrəyliyin, demokratiya və suverenliyimizin qorunması uğrunda mübarizənin təntənəsinə çevrildiyi gün kimi dəyərləndirmişdir.
Tədbirdə Milli Dirçəliş günü ilə bağlı materialların toplanmasında, mühafizəsində, gələcək nəsillərə çatdırılmasında kitabxana işçilərinin qarşısında duran vəzifələrdən də söz açılmışdır.
Bölmənin digər xəbərləri
