MİLLİ MƏCLİSDƏ GÖRÜŞ
İran-Azərbaycan parlamentlərarası dosluq qrupunun rəhbəri Əliəsğər Şerdustun başçılığı ilə ölkəmizdə olan İran İslam Şurası Məclisinin nümayəndə heyəti martın 11-də Milli Məclisin aqrar siyasət, iqtisadi siyasət və sosial siyasət daimi komissiyalarının üzvləri ilə görüşmüşlər.
Səmimi və işgüzar şəraitdə keçən görüşdə daimi komissiyaların sədrləri Eldar İbrahimov, Səttar Səfərov və Hadı Rəcəbli başçılıq etdikləri komissiyaların qanun yaradıcılığı sahəsindəki fəaliyyətindən ətraflı danışdılar.
Nümayəndə heyətinin rəhbəri Əliəsğər Şerdust isə azərbaycanlı həmkarlarına İranın parlamentindəki kənd təsərrüfatı və ictimai işlər komissiyalarının fəaliyyəti barədə məlumat verdi. O, ümidvar olduğunu söylədi ki, Milli Məclisdə fəaliyyət göstərən Azərbaycan-İran dostluq qrupunun üzvləri yaxın vaxtlarda İrana səfər edəcəklər.
Tərəflər belə bir ümumi rəyə gəldilər ki, iki ölkə parlamentləri üzvlərinin qarşılıqlı səfərləri İranla Azərbaycan arasında dostluq əlaqələrinin möhkəmləsi üçün faydalıdır.
Görüşdə İranın Azərbaycandakı səfiri Əhəd Qəzai iştirak edirdi.
Bölmənin digər xəbərləri
