Milli Məclisin deputatı Parlamentlərarası İttifaqın Assambleyasında iştirak edəcək
Bakı, 10 oktyabr, AZƏRTAC
Milli Məclisin deputatı Ramin Məmmədov Parlamentlərarası İttifaqın 145-ci Assambleyasında iştirak etmək üçün oktyabrın 10-da Ruanda Respublikasının paytaxtı Kiqali şəhərinə səfər edəcək.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, assambleya çərçivəsində keçiriləcək tədbirlərdə gender bərabərliyi, onun parlament aspektləri və fəaliyyətləri istiqamətində müzakirələr aparılacaq. Toplantıda, həmçinin miqrasiya dərəcəsi yüksək olan ölkələrin yerli və regional inkişafında, insan alveri və insan hüquqları pozuntusuna qarşı mübarizədə parlamentlərin rolu mövzularında məsələlər gündəmə gətiriləcək.
Assambleyanın sonunda müzakirə olunacaq məsələlərlə bağlı yekun sənədin qəbul edilməsi gözlənilir.
Səfər oktyabrın 15-də başa çatacaq.
Bölmənin digər xəbərləri
