Milli Məclisin deputatı Serbiyaya səfər edəcək
Milli Məclisin beynəlxalq münasibətlər və parlamentlərarası əlaqələr komitəsinin sədri, Azərbaycanın AŞPA-dakı daimi nümayəndə heyətinin rəhbəri Səməd Seyidov Assambleyanın monitorinq komitəsinin Serbiya üzrə məruzəçisi kimi oktyabrın 26-dan 29-dək Belqradda səfərdə olacaq.
Milli Məclisin mətbuat xidmətindən AZƏRTAC-a bildiriblər ki, səfər çərçivəsində S.Seyidov ölkə rəhbərliyi ilə, o cümlədən antikorrupsiya agentliyinin direktoru, ombudsman, siyasi partiyaların nümayəndələri, vətəndaş cəmiyyətinin və ölkədəki beynəlxalq təşkilatların təmsilçiləri ilə görüşlər keçirəcək. O, həmçinin Serbiyanın Avropa Şurası qarşısında götürdüyü vəzifə və öhdəliklərin yerinə yetirilməsi vəziyyəti ilə bağlı müzakirələr aparacaq.
Bölmənin digər xəbərləri
