Misir Barselona Konvensiyasının 24-cü Tərəflər Konfransına ev sahibliyi edəcək
Qahirə, 19 noyabr, AZƏRTAC
Dekabrın 2-dən 5-dək Misirdə Aralıq Dənizinin Çirklənmədən Qorunma Konvensiyasının (Barselona Konvensiyası) 24-cü Tərəflər Konfransı (cop24) keçiriləcək.
AZƏRTAC yerli mediaya istinadla xəbər verir ki, konfransın məqsədi Aralıq Dənizi bölgəsində ətraf mühit və iqlimlə bağlı işləri gücləndirməkdir. Konvensiya “ehtiyatlı olmaq lazımdır”, "çirkləndirən ödəyir" kimi əsas prinsipləri özündə birləşdirir və ətraf mühitin qorunmasını dayanıqlı inkişaf məqsədləri ilə inteqrasiya etməyi hədəfləyir.
Tədbirlə bağlı xüsusi olaraq yaradılmış rəsmi vebsayt istifadəyə verilib. Saytda konfransla əlaqəli tədbirlər, rəsmi sənədlər, logistika xidmətləri və turistik məkanlar haqqında məlumatlar yerləşdirilib.
AZƏRTAC-ın xüsusi müxbiri
Qahirə
Bölmənin digər xəbərləri
