İQTİSADİYYAT
MİSİR MƏTBUATINDA XOCALI SOYQIRIMINA DAİR MƏQALƏLƏR ÇAP OLUNMUŞDUR
Ölkənin nüfuzlu “Əl-Əhram”, “Əl-Cumhuriyyə”, “Əl-Vafd” qəzetləri, eləcə də “Oktober” jurnalı ermənilərin Azərbaycan xalqına qarşı törətdiyi qanlı cinayətlər barədə məqalələr dərc etmişlər.
Yazılarda 1992-ci il fevralın 26-da erməni silahlı dəstələri tərəfindən Xocalının tamamilə dağıdılması, dinc əhalinin xüsusi qəddarlıqla qətlə yetirilməsi, əsir və girov götürülməsi qeyd edilir, bu soyqırımı aktının Azərbaycan ərazisində törədilmiş ən mənfur cinayət olduğu və təqsirkarların indiyədək cəzasız qalması xüsusi vurğulanır.
Məqalələrdə Azərbaycanın Dağlıq Qarabağ bölgəsi və onun ətrafındakı 7 rayonun hazırda Ermənistan silahlı qüvvələrinin işğalı altında olması, Azərbaycan rəhbərliyinin münaqişənin sülh yolu ilə həllinə üstünlük verməsi də əksini tapmışdır.