CƏMİYYƏT
Misirin vəqflər naziri: Gələcək nəsilləri qorumaq üçün birlikdə mübarizə aparmalıyıq
Bakı, 5 noyabr, AZƏRTAC
Bütün dünyadakı hökumət nümayəndələri ətraf mühitin qorunması istiqamətində nümunə olmalıdır.
AZƏRTAC xəbər verir ki, bu barədə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində noyabrın 5-də keçirilən "Dünya dinləri yaşıl planet uğrunda" mövzusunda Dünya dini liderlərinin qlobal Bakı Sammitinin açılış mərasimində Misir Ərəb Respublikasının vəqflər naziri Osama Elsayed Saad deyib.
O qeyd edib ki, insanlığın parlaq gələcəyini təmin etmək, gələcək nəsilləri qorumaq üçün birlikdə mübarizə aparmalıyıq. “Dünya dini liderlərinin qlobal Bakı Sammiti bütün dünya üçün çağırışdır. Böyük nəticələri insanları maarifləndirmə yolu ilə əldə etmək olar. Eyni zamanda, ətraf mühitə ən böyük zərəri verən müharibələrin də qarşısının alınması üçün bütün tərəflər çalışmalıdır”, - deyə nazir diqqətə çatdırıb.
Bölmənin digər xəbərləri
