Misli Premyer Liqası: "Kəpəz" səfərdə "Karvan-Yevlax"a qalib gəlib
Bakı, 21 noyabr, AZƏRTAC
Futbol üzrə Misli Premyer Liqasında XII tura start verilib.
AZƏRTAC xəbər verir ki, ilk olaraq meydana "Karvan-Yevlax" və "Kəpəz" komandaları çıxıblar. Yevlax şəhər stadionunda keçirilən görüş qonaqların 2:1 hesablı qələbəsi ilə bitib.
Bu nəticədən sonra xallarının sayını 6-ya çatdıran Gəncə təmsilçisi 11-ci sıraya yüksəlib, Yevlax klubu isə 5 xalla sonuncu - 12-ci pilləyə enib.
Günün ikinci oyununda isə "Sumqayıt" doğma meydanda "Qarabağ"ı qəbul edəcək. Matça saat 19:00-da start veriləcək.
Qeyd edək ki, tura noyabrın 23-də yekun vurulacaq.
Bölmənin digər xəbərləri
