Misli Premyer Liqasında XV turun növbəti oyunu keçirilib
Bakı, 15 dekabr, AZƏRTAC
Futbol üzrə Misli Premyer Liqasında XV turun növbəti oyunu keçirilib.
AZƏRTAC xəbər verir ki, “İmişli” Quba Olimpiya İdman Kompleksinin stadionunda “Karvan-Yevlax”ı qəbul edib. Görüş 1:1 hesablı heç-heçə ilə yekunlaşıb. Hazırda İmişlinin eyniadlı təmsilçisi turnir cədvəlində 16 xalla 8-ci pillədə qərarlaşıb. Yevlax klubu isə 6 xalla sonuncu – 12-ci sırada yer alıb.
Turun bağlanış oyununda “Neftçi” öz meydanında “Sumqayıt”la qarşılaşacaq.
Qeyd edək ki, turun əvvəlki oyunlarında “Şamaxı” “Zirə”yə 2:1, “Sabah” “Turan Tovuz”a 3:1, “Kəpəz” “Qəbələ”yə 1:0, “Qarabağ” isə “Araz-Naxçıvan”a 5:1 hesabı ilə qalib gəlib.
Bölmənin digər xəbərləri
