Moldova portalı Prezident İlham Əliyevin Ermənistanın təxribatları barədə fikirlərini yayıb
Kişineu, 22 sentyabr, AZƏRTAC
Moldovanın Timpul.md xəbər portalı Prezident İlham Əliyevin Azərbaycan Televiziyasına, İctimai Televiziyaya və Real Televiziyasına müsahibəsində Ermənistanın təcavüzkar siyasətini ifşa edən açıqlamalarına geniş yer ayırıb.
AZƏRTAC xəbər verir ki, portal dövlətimizin başçısının səsləndirdiyi bu fikirlərə diqqət çəkir: “Ermənistan yeni müharibəyə hazırlaşır. Təmas xəttinə yaxın onların qüvvələrinin konsentrasiyası baş verir. Biz hər şeyi görürük, hər şeyi izləyirik. Baş nazir Nikol Paşinyan Dağlıq Qarabağ münaqişəsinin həllini uzatmaq üçün təxribatlara əl atır. Ermənistan tərəfindən qanunsuz məskunlaşdırma aparılır. Bu, bütün beynəlxalq konvensiyalara ziddir”.
Materialda Azərbaycan Prezidentinin danışıqlar prosesini bilərəkdən pozan Ermənistan rəhbərliyinə qarşı digər sərt fikirləri də yer alıb.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
