Moldovada koronavirusa görə fövqəladə vəziyyət rejimi iyulun 15-dək uzadılıb
Kişineu, 24 iyun, AZƏRTAC
Moldovada koronavirusa görə fövqəladə vəziyyət rejimi iyulun 15-dək uzadılıb.
AZƏRTAC xəbər verir ki, Moldova Milli Fövqəladə İctimai Sağlamlıq Komissiyasının qərarına əsasən iyulun 15-dək ölkədə ictimai yerlərdə 3 nəfərdən artıq insan toplaşa bilməz, oyun və idman zallarına giriş qadağandır.
Bu müddətdə, həmçinin ictimai yerlərdə insanların kütləvi iştirakı ilə toy mərasimlərinin, ad günlərinin və bu kimi tədbirlərin keçirilməsi qadağandır. Bundan əlavə, tədris müəssisələrinin, uşaq istirahət düşərgələrinin və gecə klublarının iştirakına icazə verilmir.
Moldovada epidemioloji vəziyyətə uyğun olaraq iyulun 15-dən sonra da fövqəladə vəziyyət uzadıla bilər.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
