Moskva jurnalisti Murmanskda Azərbaycan diasporunun qonağıdır
Bakı, 23 iyun (AZƏRTAC). Moskvada çıxan aylıq “Zemlyaki” jurnalının müxbiri Viktor Surik bu günlərdə Murmanskda Azərbaycan diasporunun qonağı olmuşdur.
Ümumrusiya Azərbaycan Konqresinin (ÜAK) Murmansk vilayət bölməsinin ofisində olan jurnalist həmvətənlərimizlə görüşmüşdür.
ÜAK vilayət bölməsinin sədri Afil Hüseynov jurnalistə Murmanskda yaşayan azərbaycanlılardan, onların həyat və fəaliyyətindən söz açmışdır. Regionda yaşayan həmvətənlərimiz artıq vilayətin ictimai həyatına uyğunlaşmışlar. Onların sayı təxminən 27 min nəfərdir. Bir çoxu vətəndaşlıq, bəziləri Rusiya Federasiyasında müvəqqəti yaşamaq üçün icazə, pasport almışlar. Murmanskda yaşayan həmvətənlərimiz arasında professorlar, hüquq mühafizə orqanlarının əməkdaşları, Şimal Donanmasının zabitləri, fəxri balıqçılar, Rusiyanın əməkdar inşaatçıları vardır. Onların bir çoxu Murmansk vilayəti qubernatorunun, regional Dumanın, şəhər merinin və s. fəxri fərmanlarına layiq görülmüşdür.
Bölmənin digər xəbərləri
