MOSKVADA BÜTÜN GÜNBƏZLƏRİ YOXLAYACAQLAR
Yoxlanılan tikililərin siyahısına məktəb, kinoteatr və konsert salonları, habelə teatr və teatr studiyaları, sirk, qapalı ticarət və idman kompleksləri, hovuz, buz meydançalı binalar və digər qurğular daxil olacaqdır. Monitorinq keçiriləndən sonra bu binalar haqqında məlumat bankı yaradılacaqdır.
Moskvada qeyri-standart konstruksiyalı binaların dam və aşırmalarının çökməsi ilə bağlı iki dəfə faciə baş vermişdir. 2004-ci il fevralın 14-də Yasenevoda “Transvaal Park”ın günbəzi uçmuşdur. Nəticədə 28 nəfər həlak olmuş, təxminən 200 nəfər xəsarət almışdır. Bildirilmişdir ki, baş vermiş hadisəyə binanın damının layihələşdirilməsindəki səhvlər səbəb olmuşdur. Bu il fevralın 23-də Basman bazarı binasının damı uçmuş, nəticədə 66 nəfər həlak olmuşdur. Ekspertlərin fikrincə, bazar binası damının uçması binanın yarıtmaz istismarı ilə bağlı idi.
Bölmənin digər xəbərləri
