MSTİSLAV ROSTROPOVİÇİN AZƏRBAYCANA SƏFƏRİ
Mstislav Rostropoviç martın 2-də Səhiyyə Nazirliyinin Respublika doğum evində mərasim başa çatdıqdan sonra orada mətbuat konfransı keçirmişdir.
Maestro musiqi ilə təbabətin bir-birilə çox sıx bağlı olduğunu qeyd edərək dedi ki, onların qarşısında eyni məqsəd - insanı sağlam və xoşbəxt etmək məqsədi durur. O, belə bir fikir də söylədi ki, Azərbaycanda vaksinasiya kampaniyası ilk növbədə çadır düşərgələrində yaşayan uşaqları əhatə etməlidir.
Elə həmin gün dahi musiqiçi Respublika sarayında Üzeyir Hacıbəyov adına Azərbaycan dövlət simfonik orkestri ilə növbəti məşq keçdi.
Axşam Mstislav Rostropoviç və onun xanımı Qalina Vişnevskaya Amerika Birləşmiş Ştatları səfirinin iqamətgahında Qlobal Vaksinasiya Fondu tərəfindən təşkil olunmuş qəbulda iştirak etdilər.
Bölmənin digər xəbərləri
