MÜASİR SOSİAL-SİYASİ DƏYİŞİKLİKLƏRLƏ ƏLAQƏDAR GENDER TƏHSİLİ İNKİŞAF ETDİRİLİR

29.03.2004 [14:53]
Çap et
A⁺ A^-

Qərb Universitetinin Gender Araşdırmaları Mərkəzi, BMT-nin Qadınlar üçün İnkişaf Fondu (YUNİFEM), Qadın Şəbəkə Proqramı: Açıq Cəmiyyət İnstitutu - Yardım Fondu ilə birgə alimlər, müəllimlər, elmi tədqiqat institut və ictimai təşkilatların mütəxəssisləri üçün “Müasir sosial-siyasi dəyişikliklərlə əlaqədar gender təhsilinin inkişafı” mövzusunda elmi-praktiki konfrans keçirilmişdir.

AZƏRTAC-ın müxbiri xəbər verir ki, Gender Araşdırmaları Mərkəzinin rəhbəri Lidiya Rəsulova tədbiri açaraq demişdir ki, Mərkəz “Ali təhsil sistemində gender tədrisinin fənlərarası proqramları” layihəsini həyata keçirmiş, 9 sosial və humanitar fənn, eləcə də əhalinin məşğulluğu üzrə tədris proqramları işləyib hazırlamışdır. Tədris proqramları Respublika Təhsil Nazirliyi tərəfindən təsdiq olunmuş, nəşr edilmiş və ali məktəblərə göndərilmişdir. Proqramların əsasında mühazirə kursları, “Gender: tarix, cəmiyyət, mədəniyyət” toplusu nəşr olunmuşdur.

Mövzu ətrafında məruzələr dinlənildikdən sonra konfrans bölmə iclaslarında öz işini davam etdirmişdir.